Rescate en la sima de Artekona de Galdames

diciembre 19th, 2010 by Kokolo

Ayer a las 15:16 horas recibimos una llamada de Sos Deiak alertando del accidente de un espeleólogo en la sima de Artekona de Galdames. Rapidamente nos coordinamos 5 miembros del grupo para responder al aviso: Preparar el equipo de progresión personal y algo de comida, cancelar las citas previstas, ir a la sede del grupo a recoger cuerdas y diverso material espeleológico y salir sin pérdida de tiempo hacia Galdames que está a hora y media. Llegamos al Puesto de Control a las seis de la tarde. Allí nos enteramos que el accidentado era Zape, un amigo y conocido espeleólogo.

Enseguida nos explicaron cual era la situación y los equipos que estaban ya en el interior de la cavidad. Formamos un equipo de 3 personas con la misión de instalar una línea de teléfono para tener comunicación con  el interior de la cavidad. Cuando estábamos entre el primer y segundo pozo tirando el cable, desde abajo nos informaron que la camilla ya estaba en movimiento y que ya no hacía falta instalar el teléfono. Entonces nos acoplamos a los grupos que estaban preparando las instalaciones de evacuación para echar una mano.

Hacia las nueve y cuarto salió la camilla de la sima. En el exterior estaban esperando un nutrido grupo de personal para realizar el porteo de la camilla hasta la ambulancia.

Un pequeño video del ascenso del último pozo.


Fast Tube by Casper

También aquí tenéis el enlace de la galería de Sergio de algunas fotos del rescate:

Para los que estuvieron en la práctica de rescate de hace 3 semanas , casualmente en esa misma sima, este es el enlace de las fotos de aquel día:

Esperamos la rápida recuperación de este gran espeleólogo y amigo.

Urtiagako haitzuloan, Zestoako Katamarrua Natur taldeekin

diciembre 14th, 2010 by Sabino

Zestoako Katamarrua Natur taldeak txango bat antolatu zuen joan den igandean (abenduak 12), Itziar inguruko Urtiaga haitzulora, eta taldeko bi kide apuntatu ginen beraiekin, hamabost pertsonako koadrila osatuz.

Gaurko honetan, Ramon espeleologoari tokatzen zitzaion Salbatore mendiaren lurpeko misterioak besteei azaltzea. Linternak pizteko aukerarik gabe gelditu ginen Urtiagako koba giltzarrapatuta aurkitu genuelako. Nahiz eta eremuko beste koba batzuen sarrerak topatu, ez zen inor ausartu Zelaieta eta Urtiagako leizeetara sartzen.

Erakustaldi zoragarri bat eskaini zigun Ramonek. Lehen gizakiak sua nola egiten zuten adierazteko, sukarri eta pirita harriek talkatuz, kea lortu zuen ardagaien txirbilen gainean txinpartak botaz. Eskuan prest zeukan espartzu-sehaska batean sartu zituen pilatutako txirbil hauek eta besoari bueltak ematen hasi zen haize-erroten itxoroskia balitz bezela, su magikoa lortu arte.

Jai festa honi amaiera ezin hobeto emateko, kriston hamaiketakoa prestatu genuen kobazuloaren inguruan, onuragarrizko solasaldiekin koadrila jator honekin.

Ermittia Bekua

diciembre 13th, 2010 by Sabino

Goiz txango bat gozatu genuen taldeko bi kide joan den larunbatean Debako kobazulo honetan.

Izarraitz mendi lerroko garapen luzeenetako barrunbea. Aixa esparru erraldoitik oso gertu kokatuta dagonez, ametsa beteko litzake beraien arteko komunikazioa lortzea posiblea izango balitz ….

Ezohikoa den bezela, aspalditik esploratzen ari diren beste taldeko bi espeleologoekin topatu ginen sarreran. 12 km-ko galeriak topografiatuta dauzkatela eta oraindik lan dexente geratzen zitzaiela komentatu ziguten.

Nahikoa izan genuen sarrerako bi pisuetako galeriak bisitatzen. Aurrerago, katazulo horizontala eta hurrengo bertikala pasa ondoren, goiko galerietara igotzen saiatu ginen baina hemendik aurrera gauzak konplikatzen hasten dira eta labirinto xamarra bihurtzen da. Galeri meandriforme ugariekin, bideak kota desberdinetako pisuetan aldaratzen baitira sare konplexua osatuz. Tximini batean sartu eta instalatuta dagoen beste bia batetik 30m igo genituen konturatzeko ze nolako dimentsioak dituen arroila handi honek. Puntu honetan bueltatu ginen, txangoari emaitza emateko eta jarraipena beste baterako utzi beharko degu.

 

Antonen kobea-Usategi-Arleuneko leizea

diciembre 12th, 2010 by Sabino

Asteazkenerako, goiz txango bat antolatu genuen taldeko bi kide, Ataun inguruko Itandieta mendilerroan kokatzen diren barrunbeak hobeto ezagutzeko.

Hiru sarrera dituen haitzulo batekin hasi ginen, horietatik bi bertikalak (Leize Mortala eta Leizeta) eta bestea horizontala (Antonen kobea); baina hau berehala leizea bezela bihurtzen da. 250m-ko garapenekin, barneko galeriak proportzio handikoak dira eta oso dekoratuak: kolorezko koladak, estalagmitak, estalaktitak eta zutabe ederrekin.

Bi gela nagusi daude, zoru maldatsu eta sabai altukoak, eta katazulo baten bitartez komunikatzen dira.

Usategiko koba izango da hurrengo haitzuloa, sarrera zabalekoa, sabai altukoa, argitsua eta bizitzeko modukoa. Oraindik ikus daitezke XIX. mendeko hiru artedien arrastoak. Sarrerako galeri estutik beste gela maldatsu, altu eta zabalago batera iristen da.

Mendiko malda harritsu eta pikoa igo ondoren, gaurko azken haitzulora iritsiko gera. Arleuneko leizea, aho txikikoa eta 2,5metroko sarrera bertikala du, honen oinetik makurtuta galeri zabal eta altu batean sartzen gera, leku batzuetan zorua erorita dago eta atentzioa deitzen du koladan kolore zuria hormetako marroien planoan. Galeri bakarra du, eta horizontala da azkeneko gelaraino, dolina antzekoa. Sokaren laguntzaz, malda irristakorra eskuinetik jaitsi eta oraindik beste galeri polit eta txiki batekin jarraitzen du, sifonatu arte.

Obenkun koba

diciembre 11th, 2010 by Sabino

Jai-astelehen honetan, taldeko bi kide izan ginen Arabako Done Bikendi Harana herrian, Bitigarra mendian kokatzen den koba garrantzitsu honetan, 1047metroko kotan. Mendatean zegoen elurrarengatik, kostata eta kateei esker baselizaren ondoan kotxea aparkatzea lortu genuen.

Sarrera HE norabideekin, (gaur egun ia erabat itsutua dago mendiko maldaren hondakinekin), oso malkartsua da, 4 m luzera eta 0,60 m zabaleko hodi estua zeharkatuta gela handi batera heltzen da, 2 m-ko altuera eta zorua kareharrizko blokez estalita.

Gela honetan bakarrik ikusi ditugu oso tamaina txikiko dozena erdi sagu-zahar hibernatzen. Areto honen bukaeran beste galeri makur bat jaiotzen da aurrerago bi adar zatitan banatuz, baina lehenago eta eskuin aldean, leize bat aurkitzen da 14 metroko sakonerekin. Bertikaleko erdialdean leiho txiki bat zeharkatuz, beste galeri horizontalekin topatzen gera eta 10 m aurrerago kolada handi batean bukatzen da. Beheko gela oso dekoratua dago eta eskaloi bat igota (hojaldre itxurazko) galeri labur batean amaitzen da. Kolada handi bat osatuz, ur-jauzi bat daukagu bertikaletik eskuinera, eta ura lur zoruko blokeen tartean desagertzen da.

1934an Fernández Medranok azalerako aztarnak burutu zituen giza hezurrak aurkituz, baita harri beltzezko aizkorak eta mailuak, zeramika zatiak inpresio plastikoekin, geziak ….

Giza hezurrak aurkitu ziren eremuan baino pitin bat barrurago ikatz guneak azaltzen dira, sute txikien hondakinak dirudi, eta tartean ez zen aurkitu ordea erre hezurrik.

Kronologian, Brontze Aroan kokatzen dira aipatutako zeramikak baita metalezko gezia ere.

Bestalde, haitzulo honetan argi nabarmentzen da garai bateko hartzaren presentzia, naiz eta Ursus arctos’en hezurrak aurkitu, barrunbeen bukaerako ezker galerian, gutxienez hiru hartz-ohe ikusi ditugu, baita atzamarka ugari hormetan. Gauzak honela izanik, gune arkeologiko baita paleontologiko bezala katalogatu genezake barrunbe hau.

Lareo inguruko haitzuloak

diciembre 10th, 2010 by Sabino

Joan den asteburu elurtu honetan, taldeko bi generazioko kideok izan ginen Aralarren aspalditik ezagunak ditugun Lareo inguruko hego-urgonianoren haitzulo dotoretan.

Lareo urtegiaren eremuko paisai zuri zoragarriekin txoratuz, Akaitz Txiki 2 kobekin hasi ginen larunbateko txangoa. Lehenengo aintziraraino iritsi eta ez genuen jarraitzeko posibilitaterik izan bustiko arriskua baitzegoen. Goiko galerian berriz, zutabeen artean makurtuta jarraituz, beheraka zioan arrail sakon bat topatu genuen, baino eramagun 35 metroko soka motzarekin ez genuen guztia esploratzea lortu.

Barrunbe honetatik 40 m beherago kokatzen da txangoko bigarren haitzuloa, Akaitz Txikiko leizea 1. Sarrerako zuhaitz bati soka naturalean lotuta, hamar metroko lehen bertikala jaitsi genuen. Hemen, galeriaren norabidea 180º-ra biratzen da beheraka malda irristakor batez eta lehen gertatu bezala, progresioa moztu behar izan genuen 35 metroko soka motzengatik. Galeria honek lehen haitzuloan ikusi degun arrailen antzeko itxura du eta bien arteko komunikazioa aurkitzea posiblea ote den ala ezezko zalantzarekin bueltatu beharko degu taldekoei jakinarazteko.

Akaitz Txiki 1 koban ere izan ginen. Han jarraitzen zuen harro zutabe argal nagusia, zoruko gours ederrak zaintzen. Udako nibelekin konparatuz, aintzirak ez zuela hainbesteko urik ohartu ginen.

Lareoko koban, barneko gela nagusian bazkaria dastatu eta beheko sotoa bisitatzera pasa ginen. Bestetan barrikadatxo bat izaten da sarreran baina ez gaur; zorionez, txukuna eta txikiziorik gabe ikusi degu, formazioak errespetatzen direla dirudi, ea horrela iraun dezakeen.

Eta azkenean, Sastarriko 6 leizera arrimatu ginen, gaurko sokatxo honen laguntzaz, lehen komentatu degun kontrako emaitza berberekin, kirol entrenamendu bezala arrimatu ginen lehenengo balkoira eta segidan ia beheraino, bost bat metro faltan.

Galdameseko eszentrikak

diciembre 5th, 2010 by Sabino

Mendetan zehar, Triano eta Galdameseko mendietan nabarmenak izan dira gizakiaren intentsitate bereziko eraldaketak. Harrigarria eta zorionekoa da gaur egun, altxor naturalak aurkitzea posiblea izatea; kasu honetan Galdameseko haitzuloa, bere konkrezio berezi eta bitxiekin, zalantzarik gabe, inguruko mendien lurpeko ondare natural garrantzitsuena.

Aparteko larunbata gozatu genuen Espeleofoto, Espeleo 50 eta Niphargus taldeko kideen artean, argazki sesio luze bat dastatuz.

Ez da dimentsio handiko barrunbea, progresio horizontalekoa, eta bukaera aldean eskalatu behar den tramu txiki baten ondoren, jarraipenik ez duen galeria handi eta zoragarri batera iristen da, sabaia eta hormak aparteko eszentrikoen formazio hauskorrez forratuak. Beste dimentsio batean gaudela dirudi, beheko galeriekin zerikusirik gabeko gela, baita goialde honetan daukagun giro epela ere.

Mirari bat izan da mural horiek oraindik kontserbatzea, hainbat meatzari inguruko burni-zainetan lanean izanda.

Hala ere, hortxe dago eta eskaera bat botako genizueke, aurkikuntza honek ez dezala atzerako kontaketen hasiera izan, denon mesedetan hori espero dugu.

Haitzulo honen argazki gehiago ikusteko aukera:

http://www.flickr.com/photos/rupo/sets/72157625499174754/show/