Erreskate Simulazioa Salbada mendilerroko SI-44 leizean

Joan den asteburu honetan, ehun bat espeleologok hartu degu parte Orduñan, Euskal Espeleo-Laguntza elkarteak antolatu duen urteroko erreskate simulazio orokorrean, Eusko Jaurlaritzako Larrialdiei Aurre Egiteko eta Babes Zibileko Zuzendaritzaren laguntzarekin. Taldeko sei kide izan gera bertan, binaka banatuta hainbat talde laguntzetan.

Bi zaurituen erreskate ariketan, Euskal Espeleo-Laguntza elkarteko kideez gain, Ertzaintzako Brigada Mugikorreko mendi taldeko kideak, Bizkaiko Foru Aldundiko SEIS taldeko kideak eta Gurutze Gorriko Unitate Alpinokoak izan ziren, azken hauek laguntza logistikoa emanez. Era berean, beste autonomia erkidego batzuetatik etorritako espeleo-sorosleek ere parte hartu dute.

Gaurko honetan hautatuko SI-44 leize famatuan izan gera, Sima del Hayal de la Ponata 1 izena duena (Hayal de la Ponata Sisteman, 45 kilometrokoa eta 415 metroko desnibelarekin), Orduñan, La Ponata inguruan.

Aurrekoetan hautatutakoak baino bertikaltasun gutxiago du barrunbe honek, baina, aldiz, esku-ohean egin beharreko ibilbideak luze eta gorabeheratsuak izan ziren. Istripuaren lekua ahotik 2 kilometrotara kokatu zen eta nola Paulovaren meandro inguruan konplikazioak ikusi ziren, ibilbidea bi zatitan banatzea erabaki zen, bi esku-ohe desberdinekin. Kontutan hartu behar da barrunbearen zailtasuna, baita inplikatutako logistika ere.

Komunikazio taldekoak hasi ziren lanean zaurituengana iristeko ibilbidea instalatuz, lur azpian diharduten taldeek aginte-postuarekin harremanetan egoteko komunikazio-sistema ezarriz.

Hauen atzetik lehenengo sorosle taldea sartu zen (taldeko bi kide artean) eta hurrengoak sanitarioak izan ziren. Hortik aurrera, barruko komunikazioen arabera, pixkanaka sartu ziren beste taldeak, taldeko beste bi bigarrenean eta azkeneko bikotea laugarrenekin batera, bideo grabaketa lanetan. Goizeko hamaiketan sartu ziren lehenengoak eta azkenekoak, bosgarren taldea, gaueko hamabi terdi inguruan.

Sorosleek batez beste, 10-14 ordu bitartean aritu ginen lanean lur azpian.

Luzeran E-M norabidean antolatutako galerien multzo batek osatzen du sarea, labirinto itxurako hainbat gunekin eta gainjarritako solairuekin. Ardatz nagusiak 13 kilometroko luzera du, SI.44 sarreratik bukaerako sifoira arte, E-M ibilbidea jarraitzen du eta Hayal de Ponata, Red del Duque eta Kobata ibaietako emariak jasotzen ditu.

Barrunbea ur dezente daramaten hodiz, maldaz eta katazulo ugariz osatuta dago, baita ibaiez ere. Sifoi itxurako zenbait pasabide ditu, azkena oso arriskutsua delarik, inguruan 20 metrora heltzen diren maila aldaketekin.

Tamaina apaleko zenbait igarobide daude ibilbidean, baita zenbait ibairen ibilguak eta urak hartutako guneak ere.

Gaueko hirurak inguruan bukatu genuen prestatu ziguten afari goxoekin eta lo egin gabe, jardunaldiari sinadura jartzeko, azkeneko astakeria burutu behar zen etxerako bidea hartuz. Goizeko seietan ginen Hernaniko lokalean, sekulako pasada jasota eta batzuk errekuperatu ezinik …

Sobre el Autor

Asociación sin ánimo de lucro de Espeleología enfocada a la protección y defensa del médio subterráneo

Deja una respuesta

Tu dirección de correo electrónico no será publicada. Los campos obligatorios están marcados con *

Calendario

octubre 2020
L M X J V S D
 1234
567891011
12131415161718
19202122232425
262728293031  
Share This