Troskaeta

Egun hauetako senidearteko konpromisoez gain, eta jaiegunak asteburuan tokatzen direnez, ez degu gogoko degun jarduera galaraztea nahi. Giro honi saltsa pixka bat emanez, espeleo taldeko lau kide besterik ez ginen elkartu joan den larunbatean, Atauneko koba ospetsu honetan, gabonetako goiz txango festa ospatzeko asmoekin.

Intzartzuko haitzen IE-aldean kokatzen da aspaldidanik ezaguna den kobazuloa, 1946 urtean Ursus spelaeusen aztarnategi paleontologikoa. 1000m garapeneko kobazulo handia, errombo antzeko 900 m2 atariekin. Hartzen leizea bazter baten sakonean utzita, zorua hegoaldera okertzen da, estratoen sahiesdura jarraituz.

Uxatu nahi gabe sartu ginenean, saguzarrak hegan ikusi genituen, baina kobak duen lasaitasunekin, berehala hasi ziren lokartzen alderantzizko lenar ederren tartetxoetan.

Atsegingarria benetan eta bakoitzaren mobidekin disfrutatzeko aukera izan genuen: batak 1948-ko topoan agertze ez ziren galeriak esploratzen, besteak eszentrika eta aragonito zoragarrien makro-argazkiak ateratzen, hirugarrenak arkeologi aztarnak bilatzen, baita laugarrenak, gidari moduan barrunbe honen txoko politenak besteei erakusten …

Eskaileratik hasita, txango borobil bat burutu genuen barrunbean zehar, kolada gunetik desio aintziraraino jaitsi, ibilbideko gours eta marmitetan ur dexente ikusiz eta bueltan, gainaldeko galerien formazioekin gozatuz.

Pena ematen du barrunbea nola dagoen ikustea, zaborrak edozein lekutan, graffiteroen lanak goitik beherako bazter guztietan, kolore eta forma askotako sokak zintzilikatuak, formazioen txikizioak, etab.

 

Sobre el Autor

Asociación sin ánimo de lucro de Espeleología enfocada a la protección y defensa del médio subterráneo

1 comentario

  1. Oso ondo Sabino. Bai troskaetak garbiketa bat behar du eta joaten den jendea kontzientziatu behar da ez zikintzen aiooo ondo pasa gabonak

Deja una respuesta

Tu dirección de correo electrónico no será publicada. Los campos obligatorios están marcados con *

Calendario

febrero 2021
L M X J V S D
1234567
891011121314
15161718192021
22232425262728
Share This