Lastur haraneko barrunbe ospetsuak

Izarraitz mendilerroko Lastur bailara inguruan izan ginen joan den igandean taldeko bi kide, barrunbe ospetsu batzuen egoera aztertzeko asmoz. Lasturreko San Nikolasetik Arbil kobara joan ginen eta Etxeberri harrobitik, Gazteluko kobara eta gero, Ugarteberriko barrunbeak bisitatzera.

Arbil

Haitzuloa, galeri luze eta bihurri bat da. Bere ahoa, mendebaldera begira, 1,95 metroko altuera eta 2,4 m zabalerako arku baten itxura du eta tamaina handiko haritz bat dauka bere aurrean. 180m-ko garapena eta 10m desnibelekin.

Atondoa oso laua da eta galeria berehala zabaltzen da altura hartuz. Kolada bat igo ondoren balkoi batera iritsiko gera, konplikazio handirik gabeko jarraipenekin. Eskuinaldean, 6m-ko bertikala jaitsita, 50m aurrerago bukatzen da koba honen progresioa.

Aranzadik eta Barandiaranek, 1926an aztarnategia aurkitu eta kata bat praktikatu zuten. Baina 1986arte itxaron behar izan zuten Azpeitiko Antxieta taldeak barruko galerien gainazalean lurperatzeko gune bat aurkitzeko.

 

Gaztelu

Lastur haranaren hegoaldean kokatzen da, Gaztelu mendiaren HEko mazelan eta gailurretik 50m-tara. Sarrerak 4m eta 1,5m altuerakoa da eta IE aldera begira dago, 145m-ko garapen eta 21m-ko desnibelekin.

Kobazuloa galeri handi xamar batek osatzen du eta bukaera aldean hirutan banatzen da, zenbait leize agertuz. Nahiko zikina topatu degu: botilak, plastikoak etab …-ez josia.

Aztarnategia J.Telleriak aurkitu zuen 1972an. Bere kolaboratzaileek lagundurik, kata bat egin zuen eta baita beste bat Azkoitiko Munibe Taldeko kideek, urte bat beranduago. Sarreran atzazalez apainduriko kordoia duen ontzi baten zatiak aurkitu ziren eta hartz hezurrak barneko leizeetan. Mihi gaiztoek diotenez, bahitutako norbait eduki zuen barrunbe honek.

 

Ugarteberri 1 eta 2

Harrobiaren parean eta Ugarteberriko dolinatik gertu, irekitzen dira Ugarteberri 1 eta 2 kobazulo ezagun hauen ahoak. Barrunbe erosoak eta erraz bisitatu daitezkeenak, dimentsio apalekoak eta elkar lotutakoak.

Ugarteberri 2 haitzulo fosilak, oinplano nahiko horizontala du, apur bat beherantz doana eta 11 metroko salto bertikal batean bukatzen dena. Behera jarraitu ezkero, erreka txiki bat bidaiatzen duten beste galeri sorta batzuekin topatzen gera. Igotzen den horietako batetik segitu eta bigarren ahotik irtengo gara gure ibilbideari amaiera emateko. Guztiz, 198 m-ko garapen eta 11m-ko desnibelekin. Bigarren aho honen ondoan, Ugarteberri 1 kobaren sarrera degu, meandro estu eta bihurria, metro gutxitara bukatzen dena.

Aspalditik ezagutzen genuen barrunbe honek zuen saguzarren kolonia aberatsa, baina ondoko harrobia ireki zuenetik, desagertu arte ihes egin zutela pentsatzen genuen. Zorionez, eta itxaropenez, gaurko txangoan 23 ale zenbatu ditugu.

 

Sobre el Autor

Asociación sin ánimo de lucro de Espeleología enfocada a la protección y defensa del médio subterráneo

Deja una respuesta

Tu dirección de correo electrónico no será publicada. Los campos obligatorios están marcados con *

Calendario

noviembre 2020
L M X J V S D
 1
2345678
9101112131415
16171819202122
23242526272829
30  
Share This